Informazión cheneral

OLA logo


A Ofizina de Lengua Aragonesa d’o Conzello de Uesca se crea con o deseyo de fomentar la normalizazión, l’uso e a presenzia de l’aragonés en toz os ambitos d’a bida sozial e cultural d’a ziudat.

Entendemos ista labor normalizadera como bella cosa que no ha d’estar allena a las propuestas d’os distintos sectors sozials, culturals, economicos, esportibos... d’iste munizipio e entendemos tamién que a lengua aragonesa forma parte d’o nuestro patrimonio cultural e d’a nuestra istoria.

Asinas, dende ista Ofizina queremos fomentar as midas nezesarias pa garantir dende l’Administrazión a dignificazión de l’aragonés.

• A Ofizina de Lengua Aragonesa ye un serbizio pa tota a ziudadanía creau pa fomentar a normalizazión, l’uso e a presenzia de l’aragonés en toz os ambitos d’a bida sozial e cultural d’o Conzello de Uesca/Ayuntamiento de Huesca.

• Organiza campañas endrezadas a bels sectors d’a poblazión de Uesca/Huesca: pa o comerzio, p’a ostelería, pa o esporte, pa o turismo, p’as familias, p’as escuelas d’Educazión Primaria e Infantil, pa os alumnos e alumnas d’Ensiñanza Secundaria...

• Asesora, informa e aduya a totas as personas interesadas en a Lengua Aragonesa.

• Empara en materia de Política Lingüistica a la Comarca d’a Plana de Uesca.